O membro de Alume Marcos Prado foi o gañador do IV Campionato Galego de Pingpong pola saúde mental, celebrado en Lugo este venres, 16 de setembro.
No torneo, promovido por FEAFES Galicia, participaron un total de 41 persoas con enfermidade mental procedentes de toda Galicia.
O obxectivo do encontro é promover a actividade física entre as persoas con enfermidade mental e fomentar a práctica de ocio normalizado.
O Clube de Tenis de Mesa Dez Portas asumíu o peso da organización e aportou todo o material. O evento contou tamén coa colaboración do Concello de Lugo, que cedeu as instalacións municipais da Casa do Deporte, e de Panadería Ousá e Estrella Galicia.
