Gracias a José Tarifa, voluntario da asociación, tivemos a oportunidade de participar cun stand en Expoboda Lugo celebrado na cidade o fin de semana do 26 e 27 de xaneiro.
Con esta actividade, que tiña como slogan “comparte a túa alegría cun xesto solidario”, puidemos dar a coñecer os productos que se realizan nos talleres da asociación para os diferentes eventos: bodas, bautizos, comunións, etc. Ademais de informar da posibilidade de personalizar os detalles, xa que están feitos a man. Foron varias parellas as que mostraron interese polos productos, cos que pechamos un ciclo rehabilitador: os usuarios ven como o seu traballo gusta a outra xente e se vende.
